ਗੱਲ ਤੇ ਕੁਝ ਵੀ ਨਹੀਂ

ਗੱਲ
ਗੱਲ ਤੇ ਕੁਝ ਵੀ ਨਹੀਂ
ਗੱਲ ਤੇ
ਤਾਸ ਦੇ ਪੱਤਿਆਂ ਦੀ ਐ
ਇੱਕ ਖੇਡ ਦੀ ਐ
ਜੋ ਮੁਹੱਬਤ ਖੇਡਦੀ ਐ
ਜੋ ਇਸ਼ਕ ਖੇਡਦੈ
ਗੱਲ
ਗੱਲ ਤੇ ਕੁਝ ਵੀ ਨਹੀਂ
ਗੱਲ ਤੇ
ਇੱਟ ਦੇ ਬਾਦਸ਼ਾਹ ਦੀ ਐ
ਪਾਨ ਦੀ ਬੇਗੀ ਦੀ ਐ
ਚਿੜੀਆ ਦੇ ਗੋਲੇ ਦੀ ਐ
ਗੱਲ
ਗੱਲ ਤੇ ਕੁਝ ਵੀ ਨਹੀਂ
ਗੱਲ ਤੇ
ਬਾਦਸ਼ਾਹ ਦੀ ਹਕੂਮਤ ਦੀ ਐ
ਬੇਗੀ ਦੇ ਹੁਸ਼ਨ ਦੀ ਐ
ਗੋਲੇ ਦੀ ਗੁਲਾਮੀ ਦੀ ਐ
ਗੱਲ
ਗੱਲ ਤੇ ਕੁਝ ਵੀ ਨਹੀਂ
ਗੱਲ ਤੇ ਕੁਝ ਵੀ ਨਹੀਂ....
(ਚਲਦੀ ਜੀ )
"ਚੌਹਾਨ"

shayari chauhan bathinda

ਖਿਆਲ ਨੂੰ ਖਿਆਲ ਨਹੀਂ ਸੀ

ਖਿਆਲ ਨੂੰ ਖਿਆਲ ਨਹੀਂ ਸੀ
ਕਿ ਤੂੰ ਮੇਰੇ
ਖਿਆਲਾਂ ’ਚ ਵਸ ਜਾਵੇਂਗਾ ।
"ਚੌਹਾਨ"

ਬੇਈਮਾਨ ਥੋੜੀ ਐ

ਗ਼ਜ਼ਲ
ਜੋ ਖੇਡਦੈ ਖੇਡੇ ,ਨੁਕਸਾਨ ਥੋੜੀ ਐ ।
ਇਹ ਦਿਲ ਸਮੁੰਦਰ ਐ ,ਮੈਦਾਨ ਥੋੜੀ ਐ ।
ਸਾਗਰ ਬਣੇ ਕਤਰਾ,ਕਤਰਾ ਬਣੇ ਸਾਗਰ,
ਹੋਵੇ ਕਦੇ ਏਦਾਂ, ਆਸਾਨ ਥੋੜੀ ਐ ।
ਅਹਿਸਾਸ ਵਿੱਚ ਰਹਿ ਕੇ,ਜੋ ਲੁੱਟਦਾ ਹੈ ਚੈਨ,
ਉਹ ਚੋਰ ਹੋ ਸਕਦੈ,ਬੇਈਮਾਨ ਥੋੜੀ ਐ ।
ਨੈਣਾਂ ਤੋਂ ਹੁੰਦਾ ਹੋਇਆ ਉਤਰਿਐ ਰੂਹ ’ਚ,
ਉਹ ਅਰਧ ਐ ਮੇਰਾ ਮਹਿਮਾਨ ਥੋੜੀ ਐ ।
ਆਖੇ ਜੁਬਾਂ’ ਤੋਂ ਜੋ ਓਹੀ ਪੁਗਾਉਂਦਾ ਉਹ,
ਮੁੱਕਰੇ ਹਰਿਕ ਗੱਲ ’ਤੇ "ਚੌਹਾਨ" ਥੋੜੀ ਐ ।
"ਚੌਹਾਨ"

ਕੀ ਮੁਹੱਬਤ ’ਚ ਸਰਤਾਂ ਦਾ ਹੋਣਾ ਲਾਜ਼ਿਮੀ ਹੁੰਦੈ ?

ਤੇਰੀ ਮੁਹੱਬਤ ’ਤੇ
ਮੈਂ ਕੁਰਬਾਨ ਹੋ ਜਾਵਾਂ
ਭਰੇ ਬਜਾਰ ’ਚ ਵਿਕ ਜਾਵਾਂ
ਕੌਡੀਆਂ ਦੇ ਭਾਅ ਜੇ ਤੂੰ ਕਹੇਂ
ਬਿਖਰ ਜਾਵਾਂ ਕਿਣਕਾ ਕਿਣਕਾ
ਝੜ ਜਾਵਾਂ ਪੱਤਿਆਂ ਵਾਂਗ
ਕੱਖਾਂ ਤਰਾਂ ਰੁਲ ਜਾਵਾਂ
ਤੇਰਾ ਕੌਲ ਪੁਗਾਉਣ ਲਈ
ਤੈਨੂੰ ਯਕੀਨ ਦਿਵਾਉਣ ਲਈ
ਪਰ ਯਾਰਾ ਸੋਚੀ ਕਦੇ
ਕੀ ਮੁਹੱਬਤ ’ਚ ਸਰਤਾਂ ਦਾ ਹੋਣਾ
ਲਾਜ਼ਿਮੀ ਹੁੰਦੈ ?
"ਚੌਹਾਨ"

ਤੇਰੇ ਤੱਕ ਪਹੁੰਚਣ ਲਈ

ਤੇਰੇ ਤੱਕ ਪਹੁੰਚਣ ਲਈ
ਕਤਰੇ ਤੋਂ ਦਰਿਆ
ਦਰਿਆ ਤੋਂ ਸਾਗਰ ਹੋ ਜਾਵਾਂਗਾ
ਵਹਿ ਜਾਵਾਂਗਾ ਉਸ ਹਰ ਵਹਿਣ ’ਚ
ਤੇਰੇ ਤੱਕ ਪਹੁੰਚਣ ਲਈ ਜੋ ਹੋਵੇਗਾ ਲਾਜ਼ਮੀ
ਤੇਰੇ ਤੱਕ ਪਹੁੰਚਦਾ ਹਰ ਰਸਤਾ ਕਰ ਲਵਾਂਗਾ ਤੈਅ
ਪਰ ਸੱਚ ਜਾਣੀ
ਮੈਂ ਤੇਰੇ ਤੱਕ ਪਹੁੰਚਾਂਗਾ ਨਹੀਂ
ਤੇਰੀ ਇਜਾਜ਼ਤ ਤੋਂ ਬਗੇਰ ।
"ਚੌਹਾਨ"

ਕਿਸ ’ਤੇ ਲਿਖਾਂ

ਕਿਸ ’ਤੇ ਲਿਖਾਂ

ਸਾਦਗੀ ’ਤੇ

ਜਾਂ ਸੁਹੱਪਣ ’ਤੇ

ਕਿਸ ’ਤੇ ਲਿਖਾਂ

ਨੀਲੀਆਂ ਗਹਿਰੀਆਂ ਝੀਲ ਵਰਗੀਆਂ ਅੱਖਾਂ ’ਤੇ
ਜਾਂ ਘਟਾ ਘਨਘੋਰ ਕਾਲੇ ਸਿਆਹ ਘੁੰਗਰਾਲੇ ਵਾਲਾਂ ’ਤੇ
ਕਿਸ ’ਤੇ ਲਿਖਾਂ
ਹੁਸਨ ਦੇ ਖੁਦਾ ’ਤੇ
ਜਾਂ ਖਾਮੋਸ ਸਦਾ ’ਤੇ
ਕਿਸ ’ਤੇ ਲਿਖਾਂ
ਤੇਰੇ ’ਤੇ
ਜਾਂ ਤਸਵੀਰ ’ਤੇ ।
"ਚੌਹਾਨ"

ਜੋ ਰੂਠ ਗਿਆ ਹਮਸੇ ਖੁਦਾ ਕੇ ਮਾਨਿੰਦ

ਯੇ ਸਿਲਸਿਲਾ ਤੋ ਏਕ ਬਹਾਨਾ ਹੈ
ਕਿ  ਕਾਫਲੇ ਸੰਗ ਫਲਕ ਤਕ ਜਾਣਾ ਹੈ
ਜੋ ਰੂਠ ਗਿਆ ਹਮਸੇ ਖੁਦਾ ਕੇ ਮਾਨਿੰਦ
ਉਸਕੋ ਮਨਾਨਾ ਹੈ ਤੋ ਬਸ ਮਨਾਨਾ ਹੈ
"ਚੌਹਾਨ"

ਖੇਡ ਨਹੀਂ ਇਸ਼ਕ ( ਮੇਰੀ ਕਿਤਾਬ)

ਦੋਸਤੋ ਪਿਛਲੇ ਕੁਝ ਦਿਨਾਂ ਤੋਂ ਇੱਕ ਕਿਤਾਬ "ਖੇਡ ਨਹੀਂ ਇਸ਼ਕ" ਦੀ ਤਿਆਰੀ ਕਰ ਰਹੇ ਸੀ ਜੋ ਛਪ ਕੇ ਤਿਆਰ ਹੋ ਚੁੱਕੀ ਐ ਇਹ ਕਿਤਾਬ ਛਪਣ ’ਚ ਮੁਸਕਿਲ ਇਹ ਸੀ ਕਿ ਇਹ ਘੱਟੋ ਘੱਟ ਕੀਮਤ ਤੇ ਕਿਵੇਂ ਤਿਆਰ ਕੀਤੀ ਜਾਵੇ ਹੋ ਸਕਦੈ ਮੈਂ ਗਲਤ ਹੋਵਾਂ ਪਰ ਮੈਨੂੰ ਲਦਦੈ ਮਹਿੰਗੀਆਂ ਕਿਤਾਬਾਂ ਕਿਤੇ ਨਾ ਕਿਤੇ ਪਾਠਕ ਨੂੰ ਕਿਤਾਬਾਂ ਨਾਲੋਂ ਤੋੜਨ ਲਈ ਕਾਫੀ ਜਿੰਮੇਵਾਰ ਨੇ ਵੈਸੇ ਮੈਂ ਕਿਤਾਬਾਂ ਨਹੀਂ ਪੜ੍ਹ੍ਦਾ ਪਰ ਕਦੇ ਗੁਜਰੇ ਸਮੇਂ ਤੇ ਝਾਤੀ ਮਾਰਾਂ ਤਾਂ ਦਿਸਦੈ ਕਿ ਕਿਤਾਬਾਂ ਦੀ ਕੀਮਤ ਮੇਰੀ ਔਕਾਤ ਤੋਂ ਜ਼ਿਆਦਾ ਹੋਣ ਕਰਕੇ ਮੈਂ ਕਿਤਾਬ ਖਰੀਦ ਨਹੀਂ ਰਿਹੈ ਕਿਤਾਬਾਂ ਦੀ ਸਟਾਲ ਤੇ ਖੜਾ ਸਿਰਫ ਦੇਖ ਰਿਹੈ ਕਿਤਾਬਾਂ ਵੱਲ ਖੈਰ ਛੱਡੋ ਜੀ "ਖੇਡ ਨਹੀਂ ਇਸ਼ਕ" ਕਿਤਾਬ ’ਚ ਅਠਾਰਾਂ ਵੀਹ ਗ਼ਜ਼ਲਾਂ, ਵੀਹ ਬਾਈ ਖੁੱਲੀਆਂ ਕਵਿਤਾਵਾਂ, ਦੋ ਤਿੰਨ ਗੀਤ , ਦੋ ਤਿੰਨ ਕਹਾਣੀਆਂ, ਕੁਝ ਦੋਹੇ ਤੇ ਕੁਝ ਵਿਚਾਰਾਂ ਦੇ ਮੇਲ ਨਾਲ ਸੱਠ ਪੈਹਠ ਰਚਨਾਵਾਂ ਨੇ
ਜਿੰਨਾਂ ਦੀ ਕੀਮਤ :- 30 /- , ਤੀਹ ਰੁਪਏ ਐ ਜੀ
ਜੋ ਦੋਸਤ ਇਹ ਕਿਤਾਬ ਲੈਣਾ ਚਹੁੰਦੇ ਨੇ ਉਹ ਮੇਰੇ ਨਾਲ ਇੰਨਬੋਕਸ ਗੱਲ ਕਰ ਸਕਦੇ ਨੇ ਜੀ ਸ਼ੁਕਰੀਆ ਮੇਹਰਬਾਨੀ ਜੀ
"ਚੌਹਾਨ"

ਕੀ ਕੋਈ ਵੀ ਰਾਹ ਨਹੀਂ

ਕੀ ਕੋਈ ਵੀ ਰਾਹ ਨਹੀਂ

ਕਿ ਮੈਂ ਤੇਰੇ ਤੱਕ ਪਹੁੰਚ ਸਕਾਂ
ਕੋਈ ਰਾਹ ਹੈ ਤਾਂ ਦੱਸ ਯਾਰਾ
ਮੈਂ ਤੈਅ ਕਰ ਲਵਾਂਗਾ ।

"ਚੌਹਾਨ"

ਜੇ ਸੁਣ ਰਿਹੈਂ ਤਾਂ ਸੁਣ, ਮੇਰੀ ਬਾਤ

ਜੇ ਸੁਣ ਰਿਹੈਂ
ਤਾਂ ਸੁਣ, ਮੇਰੀ ਬਾਤ
ਜੇ ਦੇਖ ਰਿਹੈਂ
ਤਾਂ ਦੇਖ, ਮੇਰੇ ਹਲਾਤ
ਕਿ ਕਿੰਨੀ ਜ਼ਰੂਰਤ ਐ ਮੈਨੂੰ ਤੇਰੀ
ਕਿ ਕਿੰਨਾ ਇਕੱਲਾ ਕਿੰਨਾ ਬੇਵਸ ਹਾਂ ਮੈਂ
ਜੇ ਸੁਣ ਰਿਹੈਂ
ਤਾਂ ਸੁਣ, ਮੇਰੀ ਬਾਤ
ਜੇ ਦੇਖ ਰਿਹੈਂ
ਤਾਂ ਦੇਖ, ਮੇਰੇ ਹਲਾਤ ।
"ਚੌਹਾਨ"

ਮੇਰੇ ਦਿਲ ਨੂੰ ਮੇਰੇ ਮਹਿਰਮਾਂ

ਦੁਨੀਆਂ ਡਰਦੀ ਐ
ਦੁਨੀਆਂ ਦੀ ਬੇਵਫਾਈ ਤੋਂ
ਮੇਰੇ ਦਿਲ ਨੂੰ ਮੇਰੇ ਮਹਿਰਮਾਂ
ਤੇਰੀ ਵਫਾ ਤੋਂ ਡਰ ਲਗਦੈ ।
"ਚੌਹਾਨ"

ਮੁਹੱਬਤ ਦਾ ਰਹਿਣ ਬਸੇਰਾ

ਮੁਹੱਬਤ ਦੇ ਰਹਿਣ ਬਸੇਰੇ ਲਈ
ਸੋਨੇ ਦਾ ਮਹਿਲ ਨਹੀਂ

ਲਾਜ਼ਿਮੀ ਹੁੰਦੈ
ਮਲੂਕ ਭਵਨਾਵਾਂ ਨੂੰ ਸਮਝਣ ਦੀ ਔਕਾਤ ਹੋਣਾ
ਸ਼ਾਇਦ ਸਹੀ ਕਿਹਾ ਸੀ ਤੁਸ਼ੀਂ !
"ਚੌਹਾਨ" 

ਹੱਕ

ਕੋਈ ਮੇਰੇ ’ਤੇ ਹੱਕ ਜਤਾਵੇ
ਤਾਂ ਲੱਗੇ
ਜਿਉਂ ਦੁਨੀਆਂ ਦੀਆਂ ਸੱਭੇ ਇਨਾਇਤਾਂ
ਮੇਰੀ ਝੋਲੀ ’ਚ ਪੈ ਗਈਆਂ ਹੋਣ
ਮੈਂ ਕਿਸੇ ’ਤੇ ਹੱਕ ਜਤਾਵਾਂ
ਮੇਰੀ ਏਨੀ ਔਕਾਤ ਕਿੱਥੇ ।
"ਚੌਹਾਨ"

ਇਹ ਵਾਦੀਆਂ ਇਹ ਚੰਨ ਤਾਰੇ ਇਹ ਖੂਬਸੂਰਤ ਨਜ਼ਾਰੇ

ਮੁੜ ਨਾ ਮੁੜਨ ਦੀ ਗੱਲ ਕਰ ਕੇ
ਦਿਨ ਪ੍ਰ੍ਤੀ ਦਿਨ ਬੀਤਦੇ ਦਿਨ
ਗੁਜ਼ਰ ਰਹੇ ਨੇ
ਤੂੰ ਚੁੱਪ ਐ
ਆਪਣੀ ਜਿੱਦ ਪੁਗਾਉਣ ਲਈ
ਮੈਂ ਚੁੱਪ ਆਂ
ਆਪਣੀ ਜਿੱਦ ਪੁਗਾਉਣ ਲਈ
ਇਹ ਵਾਦੀਆਂ ਇਹ ਚੰਨ ਤਾਰੇ
ਇਹ ਖੂਬਸੂਰਤ ਨਜ਼ਾਰੇ
ਹੱਸ ਰਹੇ ਐ
ਆਪਣੇ ਦੋਹਾਂ ’ਤੇ ।
" ਚੌਹਾਨ"

ਇਹ ਇਲਮ ਨਹੀਂ ਸੀ

ਦਿਲ ਦੀ ਗੱਲ ਕਰਨਾ
ਗੁਨਾਹ ਹੋਵੇਗਾ
ਯਾਰ ਸਾਡਾ ਸਾਥੋਂ
ਖਫ਼ਾ ਹੋਵੇਗਾ
ਇਹ ਇਲਮ ਨਹੀਂ ਸੀ
ਇਹ ਪਤਾ ਨਹੀਂ ਸੀ ।
" ਚੌਹਾਨ"

ਨਜ਼ਰੋ ਸੇ ਨਜ਼ਰੋ ਕੀ ਸ਼ਰਾਰਤ ਤੋ ਦੇਖੋ

ਗ਼ਜ਼ਲ

ਨਜ਼ਰੋ ਸੇ ਨਜ਼ਰੋ ਕੀ ਸ਼ਰਾਰਤ ਤੋ ਦੇਖੋ ।
ਆਂਖੋ ਮੇਂ ਉਲਫਤ ਕੀ ਇਨਾਅਤ ਤੋ ਦੇਖੋ ।
ਦੇਖੋ ਨਾ ਮੇਰੀ ਦਿਲਲਗੀ ਐ ਹਮਦਮ,
ਧੜਕਨ ਮੇਂ ਚਾਹਤ ਕੀ ਕਿਆਮਤ ਤੋ ਦੇਖੋ ।
ਅਪਨੋ ਮੇਂ ਹੈ ਬੇਗਾਨਗੀ ਬੇਗਾਨੋ ਸੀ,
ਮਹਿਫਿਲ ਮੇਂ ਮਹਿਫਿਲ ਕੀ ਲਿਆਕਤ ਤੋ ਦੇਖੋ ।
ਯੂੰ ਹੀ ਨ ਕਹੇ ਕੋਈ ਨਦਾਂ’ ਦਿਲ ਕੋ ਪਾਗਲ,
ਦਿਲ ਕੇ ਪਾਗਲਪਨ ਕੀ ਹਕੀਕਤ ਤੋ ਦੇਖੋ ।
ਸਾਗਰ ਸੇ ਹੋਨਾ ਚਾਹਤਾ ਹੈ, ਅਬ ਕਤਰਾ ,
"ਚੌਹਾਨ" ਮੇਰੇ ਦਿਲ ਕੀ ਜ਼ਰੂਰਤ ਤੋਂ ਦੇਖੋ ।
"ਚੌਹਾਨ"

ਜਿੱਤ ਦੋ ਤਰਾਂ ਦੀ ਹੁੰਦੀ ਐ ਬਾਬੇ

ਜਿੱਤ ਦੋ ਤਰਾਂ ਦੀ ਹੁੰਦੀ ਐ ਬਾਬੇ
ਇੱਕ ਕਿਸੇ ਨੂੰ ਹਰਾ ਦੇਣਾ
ਦੂਜਾ ਕਿਸੇ ਨੂੰ ਜਿੱਤ ਲੈਣਾ
ਹੁਣ ਤੈਨੂੰ ਕਿਸ ਤਰਾਂ ਜਿੱਤਾ
ਸਿਕੰਦਰ ਤਰਾਂ ਹਰਾ ਕੇ ਜਿੱਤਾਂ
ਜਾ ਪੋਰਸ ਤਰਾਂ ਹਾਰ ਕੇ ਜਿੱਤਾਂ ।
"ਚੌਹਾਨ"

ਇਜਾਜ਼ਤ ਹੈ ਤਾਂ ਕਹਾਂ ਕੁਝ

ਇਜਾਜ਼ਤ ਹੈ ਤਾਂ ਕਹਾਂ ਕੁਝ 
ਫੁੱਲ ਦੀਆਂ ਪੰਖੜੀਆਂ ਬਾਰੇ
ਤੇਰੇ ਸੁਰਖ ਹੋਠਾਂ ਬਾਰੇ
ਕਾਲੀ ਘਟਾ ਘਨਘੋਰ ਬਾਰੇ
ਤੇਰੀ ਜੁਲਫ ਦੇ ਕਾਲੇ ਮੇਘਲਿਆਂ ਬਾਰੇ
ਇਜਾਜ਼ਤ ਹੈ ਤਾਂ ਕਹਾਂ ਕੁਝ
ਹੱਥ ’ਚ ਫੜੇ ਗੁਲਾਬ ਬਾਰੇ
ਤੇਰੇ ਨੈਣਾਂ ਦੇ ਖੁਆਬ ਬਾਰੇ
ਹਵਾ ਦੀ ਸ਼ਰਾਰਤ ਬਾਰੇ
ਤੇਰੀ ਅਦਾ ਦੀ ਨਜ਼ਾਕਤ ਬਾਰੇ
ਇਜਾਜ਼ਤ ਹੈ ਤਾਂ ਕਹਾਂ ਕੁਝ
ਫੁੱਲ ਦੀ ਟਹਿਕ ਬਾਰੇ
ਤੇਰੀ ਸਾਦਗੀ ਤੇਰੀ ਮਹਿਕ ਬਾਰੇ
ਨਿਖਰਦੇ ਰੰਗਾਂ ਬਾਰੇ
ਤੇਰੀਆਂ ਛਣਕਦੀਆਂ ਵੰਗਾਂ ਬਾਰੇ
ਇਜਾਜ਼ਤ ਹੈ ਤਾਂ ਕਹਾਂ ਕੁਝ
ਫੁੱਲ ਦੀ ਬਿਖਰਦੀ ਖੁਸ਼ਬੂ ਬਾਰੇ
ਧੜਕਨ ’ਚ ਧੜਕਦੀ ਆਰਜੂ ਬਾਰੇ
ਪੋਹ ਦੀ ਧੁੱਪ ਬਾਰੇ
ਤੇਰੇ ਨੂਰ ਤੇਰੀ ਚੁੱਪ ਬਾਰੇ
ਇਜਾਜ਼ਤ ਹੈ ਤਾਂ ਕਹਾਂ ਕੁਝ...
"ਚੌਹਾਨ"

ਇਹ ਦਰਦ, ਹੈ ਬੜਾ ਹੀ ਬੇਦਰਦ,

ਇਹ ਦਰਦ, ਹੈ ਬੜਾ ਹੀ ਬੇਦਰਦ,
ਜਿਉਂ ਹਾੜ ਦੀ ਤਪਸ ਜਿਉ ਪੋਹ ਸਰਦ ।
"ਚੌਹਾਨ"

ਪਲਕਾਂ ਨਾਲ ਚੁਗ ਦੇਵਾਂਗਾ ਕੰਢੇ

ਪਲਕਾਂ ਨਾਲ ਚੁਗ ਦੇਵਾਂਗਾ ਕੰਢੇ
ਵਿਛਾ ਦੇਵਾਂਗਾ ਨਜ਼ਰ
ਕਿਸੇ ਰਾਹ ਗੁਜਰਨ ਦਾ
ਤੂੰ ਇਕਰਾਰ ਤੇ ਕਰ 
ਐ ਮਹਿਜ਼ਬੀਂ
ਇਤਬਾਰ ’ਤੇ ਕਰ ।
"ਚੌਹਾਨ"

ਕੁਝ ਸਮਝੇ ਹੰ ਹੂੰ..ਨਹੀਂ ਸਮਝੇ

ਇੱਕ ਨੂੰ ਖੁਸ਼ ਕਰਨ ਲਈ
ਦੂਜੇ ਨੂੰ ਨਰਾਜ਼ ਕਰਨਾ
ਸਹੀ ਨਹੀਂ ਹੋ ਸਕਦਾ
ਕੁਝ ਸਮਝੇ
ਹੰ ਹੂੰ..ਨਹੀਂ ਸਮਝੇ
ਫੁੱਲ ਦੇਣ ਤੇ ਜੇ ਕੋਈ ਖੁਸ਼ ਹੁੰਦੈ
ਫੁੱਲ ਟੁੱਟ ਜਾਣ ’ਤੇ ਕੋਈ ਟਾਹਣੀ
ਉਦਾਸ਼ ਵੀ ਹੁੰਦੀ ਐ॥
"ਚੌਹਾਨ"

ਕਿਸੇ ਦੇ ਰਾਹ ਵਿੱਚ, ਕਿਸੇ ਦੀ ਝਾਕ ਵਿੱਚ,

ਕਿਸੇ ਦੇ ਰਾਹ ਵਿੱਚ, ਕਿਸੇ ਦੀ ਝਾਕ ਵਿੱਚ,
ਅਸੀਂ ਵੀ ਖੜ੍ਹ੍ ਗਏ, ਸਮੇਂ ਦੀ ਤਾਕ ਵਿੱਚ ।
"ਚੌਹਾਨ"

ਤੂੰ ਖੁਦਾ ਹੈ ਯਾ ਕਜਾ ਹੈ,ਤੂੰ ਕਯਾ ਹੈ ਤੂੰ ਜਾਨੇ

ਆਪਸੇ ਮਿਲ ਕਰ ਮਿਲੀ ਹਰ ,ਦਰਦ ਸੇ ਦਿਲ ਕੋ ਰਾਹਤ ,

ਤੂੰ ਖੁਦਾ ਹੈ ਯਾ ਕਜਾ ਹੈ,ਤੂੰ ਕਯਾ ਹੈ ਤੂੰ ਜਾਨੇ ।

"ਚੌਹਾਨ"