ajj da vichar

ਬਹੁਤ ਕੁਝ ਅਜਿਹਾ ਹੁੰਦਾ ਹੈ ਜੋ ਲਗਦਾ ਕਿ ਇਹ ਨਹੀਂ ਹੋਣਾ ਚਾਹੀਦਾ ਸੀ , ਜੋ ਚੰਗਾ ਨਹੀਂ ਲਗਦਾ । ਪਰ ਜ਼ਿੰਦਗੀ ਦੀ ਬਿਹਤਰੀ ਲਈ ਕਦੇ ਕਦੇ ਅਜਿਹਾ ਕੁਝ ਹੋਣਾ ਲਾਜ਼ਮੀ ਹੁੰਦਾ ਹੈ ।
"ਚੌਹਾਨ"

ਤੂੰ ਲਾ ਜਵਾਬ ਸਹੀ ,ਤੂੰ ਬੇ ਹਿਸਾਬ ਸਹੀ ।

ਗ਼ਜ਼ਲ
ਤੂੰ ਲਾ ਜਵਾਬ ਸਹੀ ,ਤੂੰ ਬੇ ਹਿਸਾਬ ਸਹੀ ।
ਮੈਂ ਖਾਰ ਖਾਰ ਸਹੀ ਤੂੰ ਫਿਰ ਗੁਲਾਬ ਸਹੀ ।
ਤੇਰੀ ਤਪਸ ਦਾ ਕੀ , ਹੈ ਖੌਫ ਸਾਗਰ ਨੂੰ ?
ਤੂੰ ਆਫ਼ਤਾਬ ਸਹੀ , ਤੇ ਆਫ਼ਤਾਬ ਸਹੀ ।
ਮੈਂ ਇਸ਼ਕ ਹਾਂ ਮੇਰੀ ਤਾਸੀਰ ਹੈ ਉਲਫਤ ,
ਉਲਫਤ ਅਜਾਬ ਸਹੀ,ਤੇ ਫਿਰ ਅਜਾਬ ਸਹੀ ।
ਤੋੜੇ ਹਰਿਕ ਬੰਦਿਸ਼, ਆਸ਼ਿਕ ਨਜ਼ਰ ਐ ਦਿਲ,
ਪਰਦਾ ਸਹੀ ਬੇਸ਼ੱਕ, ਕੋਈ ਨਕਾਬ ਸਹੀ ।
ਪਾਣੀ ਬਿਨਾਂ ਕਿਸਦਾ , ਕੀ ਹੈ ਵਜੂਦ ਭਲਾਂ ?
ਸਾਗਰ, ਨਦੀ ,ਦਰਿਆ, ਕੋਈ ਤਲਾਬ ਸਹੀ ।
"ਚੌਹਾਨ"

ਖਾਬ ਤਾਂ ਖਿੰਡਦਾ

ਕੋਈ ਬੇਰੁਖੀ ਨਾਲ ਛੱਡ ਦੇਵੇ
ਖਾਬ ਤਾਂ ਖਿੰਡਦਾ
ਉਮੀਦ ਤੇ ਮਰਦੀ ਐ
ਅਹਿਸਾਸ ਤਾਂ ਟੁੱਟਦਾ ਈ ਐ
ਦਿਲ ਟੁੱਟਦਾ ਕਿ ਨਹੀਂ
ਇਹ ਕਹਿਣਾ
ਤਾਂ ਖੈਰ ਮੁਸ਼ਕਿਲ ਐ
ਦਿਲ ਟੁੱਟਣ ਤੇ ਜਿਸਮ ਚੋਂ ਜਾਨ ਨਿਕਲਣਾ ਲਾਜ਼ਮੀ ਐ
ਕਿਸੇ ਬਿਨਾਂ ਕਿਸੇ ਦੀ ਜਾਨ ਨਿਕਲਦੀ
ਮੈਂ ਦੇਖੀ ਨਹੀ ਨਾ ਕਿਤੇ !
"ਚੌਹਾਨ"

ਦੁਨੀਆਂ ਜਿਉਂ ਸ਼ਟੇਸ਼ਨ

ਇੱਕ ਜਾਂਦੇ ਹੀ ਆ ਗਿਆ ਦੁਜਾ,ਕਿ ਦੁਨੀਆਂ ਜਿਉਂ ਸ਼ਟੇਸ਼ਨ,
ਇੱਕ ਦਾ ਘਾਟਾ ਇੱਕ ,ਕਰ ਗਿਆ ਪੂਰਾ,ਥੁੜੇ ਕੀ ਕੌਣ ਜਾਣੇ ?
"ਚੌਹਾਨ"

पारस

खुदी को तराश कर पारस कर लेना,पारस को ढूंढने से बेहतर है ।
"चौहान"

ਅੱਜ ਦਾ ਦਿਨ

ਅੱਜ ਦਾ ਦਿਨ
ਖੁਸ਼ੀ ਦੇ ਕਿਸੇ ਲਮਹੇ ਵਾਂਗ ਵੀ ਮਨਾਇਆ ਜਾ ਸਕਦਾ
ਕਿਸੇ ਦਰਦਨਾਕ ਯਾਦ ਵਾਂਗ ਵੀ
ਅੱਜ ਦਾ ਦਿਨ
ਬਿਹਤਰ ਤੋਂ ਬਿਹਤਰ ਵੀ ਹੋ ਸਕਦਾ
ਤੇ ਬਦ ਤੋਂ ਬੱਤਰ ਵੀ
ਅੱਜ ਦਾ ਦਿਨ ਤੇਰੇ ਨਾਮ
ਇਹ ਜਿਵੇਂ ਤੂੰ ਚਾਹੇਂ ਉਵੇਂ ਕਰਦੇ
ਪਰ ਯਾਦ ਰੱਖੀਂ
ਇਹ ਮੁੜ ਨਹੀਂ ਆਉਣਾ ।
"ਚੌਹਾਨ"

ishq diyan gallan

ਅਸੀਂ ਜਾਗੇ ਨਾ ਸੁੱਤੇ,
ਨੀ ਇਸ਼ਕ ਦੀਏ ਰੁੱਤੇ ।
ਅਸੀਂ ਜੁੜੇ ਨਾ ਟੁੱਟੇ,
ਨੀ ਇਸ਼ਕ ਦੀਏ ਰੁੱਤੇ ।
ਦਿਲ ਦੇ ਵਿਹੜੇਖਿਆਲਾਂ ਦੀ ਰਿਮਝਿਮ ,
ਚੰਨ ਦੁਆਲੇ,ਤਾਰਿਆਂ ਦੀ ਟਿਮਟਿਮ ।
ਊਹ ਨੀਲੀ ਛੱਤ ਊੱਤੇ ।
ਨੀ ਇਸ਼ਕ ਦੀਏ ਰੁੱਤੇ...
ਮੇਰੀ ਵਫ਼ਾ ਹੀ ਵਫ਼ਾ ਨਾ ਹੋਈ,
ਜਾਂ ਫਿਰ ਤੂੰ ਖੁਦ ਖੁਦਾ ਨਾ ਹੋਈ |
ਐ ਮੂਰਤੇ ਐ ਬੁੱਤੇ ।
ਨੀ ਇਸ਼ਕ ਦੀਏ ਰੁੱਤੇ
ਮੁੱਠ ਕੁ ਹੱਡੀਆਂ ਨਗਰ ਪੀੜਾਂ ਦਾ,
ਹਰ ਸਾਹ ਕੈਦੀ ਬੰਦਿਸ਼ਾਂ ਦੀਆਂ ਜੰਜੀਰਾ ਦਾ ।
ਜਿੰਦ ਪਲ ਪਲ ਮੁੱਕੇ |
ਨੀ ਇਸ਼ਕ ਦੀਏ ਰੁੱਤੇ
ਤੇਰਾ ਵਹਿਣ ਨਿਰਾਲਾ ਤੇਰੀ ਖੁਸ਼ਬੋ ਵੱਖਰੀ,
ਐ ਮੁਹੱਬਤ ਤੇਰੀ ਹੈ ਲੋਅ ਵੱਖਰੀ ।
ਕੋਈ ਖਿਜਾ ’ਚ ਵੀ ਟਹਿਕੇ ਕੋਈ ਬਹਾਰ ’ਚ ਸੁੱਕੇ ।
ਨੀ ਇਸ਼ਕ ਦੀਏ ਰੁੱਤੇ
"ਚੌਹਾਨ" ਸੁਦਾਈ ਤੂੰ ਸੁਦੈਣ ਸੁਦਾਈਆਂ ਦੀ,
ਹੁਣ ਕੌਣ ਲੰਘਾਵੇ ਇਹ ਰੈਣ ਸੁਦਾਈਆਂ ਦੀ ।
ਚੈਣ ਦੋਹਾਂ ਦਾ ਬਿਰਹਾ ਟੁੱਕੇ ।
ਅਸੀਂ ਜਾਗੇ ਨਾ ਸੁੱਤੇ ।
ਨੀ ਇਸ਼ਕ ਦੀਏ ਰੁੱਤੇ
ਅਸੀਂ ਜੁੜੇ ਨਾ ਟੁੱਟੇ
ਨੀ ਇਸ਼ਕ ਦੀਏ ਰੁੱਤੇ ।
"ਚੌਹਾਨ"